💥ದಿ ಮೈಸೂರು ಪವರ್‌ಲೂಮ್ ಸಿಲ್ಕ್ ಮ್ಯಾನುಫ್ಯಾಕ್ಚರರ್ಸ್ ಕೋ-ಆಪರೇಟಿವ್ ಸೊಸೈಟಿಯ ಅಮೃತ ಮಹೋತ್ಸವ!💐

ಬೆಂಗಳೂರು:

ಕರ್ನಾಟಕ ರಾಜ್ಯದಲ್ಲೇ ನೇಕಾರಗಾರರ ಸುದೀರ್ಘ ಸೇವೆಯಲ್ಲಿ ಅತಿ ಹೆಚ್ಚು ಸದಸ್ಯರನ್ನು ಹೊಂದುವ ಮೂಲಕ ಮುಂಚೂಣಿಯಲ್ಲಿರುವ ಹೆಮ್ಮೆಯ ಸಂಸ್ಥೆ 'ದಿ ಮೈಸೂರು ಪವರ್‌ಲೂಮ್ ಸಿಲ್ಕ್ ಮ್ಯಾನುಫ್ಯಾಕ್ಚರರ್ಸ್ ಕೋ-ಆಪರೇಟಿವ್ ಸೊಸೈಟಿ ಲಿಮಿಟೆಡ್' ತನ್ನ ಸ್ಥಾಪನೆಯ 75 ಯಶಸ್ವಿ ವರ್ಷಗಳನ್ನು ಪೂರೈಸಿದ್ದು, ಇದೀಗ ಅಮೃತ ಮಹೋತ್ಸವದ ಸಂಭ್ರಮದಲ್ಲಿದೆ.

ಈ ಐತಿಹಾಸಿಕ ಕ್ಷಣವನ್ನು ಸ್ಮರಣೀಯವಾಗಿಸಲು ಸಂಸ್ಥೆಯು ಬೃಹತ್ ಅಮೃತ ಮಹೋತ್ಸವ ಸಮಾರಂಭವನ್ನು ಹಮ್ಮಿಕೊಂಡಿದೆ.

📅 ಕಾರ್ಯಕ್ರಮದ ವಿವರಗಳು:

ದಿನಾಂಕ: 09-08-2026ನೇ ಭಾನುವಾರ

ಸಮಯ: ಬೆಳಗ್ಗೆ 10.00 ಗಂಟೆಗೆ

ಸ್ಥಳ: ಜ್ಞಾನಜ್ಯೋತಿ ಸಭಾಂಗಣ, ಪ್ಯಾಲೇಸ್ ರಸ್ತೆ, ಬೆಂಗಳೂರು - 560002.

🏆 ಸಂಸ್ಥೆಯ ಸಾಧನೆ ಮತ್ತು ಇತಿಹಾಸದ ಒಂದು ಝಲಕ್:

1950ರಲ್ಲಿ ಸ್ಥಾಪನೆಯಾದ ಈ ಸೊಸೈಟಿಯು ಕರ್ನಾಟಕ ಸರ್ಕಾರದಿಂದ ಅಂಗೀಕೃತವಾಗಿದ್ದು, 1960ರಲ್ಲಿಯೇ ಘನ ಕರ್ನಾಟಕ ಸರ್ಕಾರದಿಂದ "ಸೇವಾ ಪ್ರಶಸ್ತಿ" ಮುಡಿಗೇರಿಸಿಕೊಂಡ ಹೆಗ್ಗಳಿಕೆ ಹೊಂದಿದೆ. ಪ್ರಸ್ತುತ ಸಂಸ್ಥೆಯು 11,942 ಜೀವರೂಪಿ ಸದಸ್ಯರನ್ನು ಹೊಂದಿದ್ದು, ನೇಯ್ಗೆ ವೃತ್ತಿಯ ಅಭಿವೃದ್ಧಿಗೆ ನಿರಂತರ ಶ್ರಮಿಸುತ್ತಿದೆ.

ನೇಸರ ಲೋಕಕ್ಕೆ ಸೊಸೈಟಿಯ ಕೊಡುಗೆಗಳು:

ತೆರಿಗೆ ಇಳಿಕೆಗೆ ಹೋರಾಟ: ಚೀನಾ ದೇಶದಿಂದ ರೇಷ್ಮೆ ಆಮದು ಮಾಡಿಕೊಳ್ಳಲು ರೇಷ್ಮೆ ಮೇಲಿನ ತೆರಿಗೆ ಸುಂಕವನ್ನು ಶೇಕಡಾ 31.5% ರಿಂದ ಶೇಕಡಾ 5% ರವರೆಗೆ ಇಳಿಕೆ ಮಾಡುವಂತೆ ಪ್ರಣಬ್ ಮುಖರ್ಜಿ, ವೀರಪ್ಪ ಮೊಯ್ಲಿ, ಎಸ್.ಎಂ. ಕೃಷ್ಣ, ಅನಂತ ಕುಮಾರ್ ಹಾಗೂ ದಯಾನಿಧಿ ಮಾರನ್ ರವರಿಗೆ ಮನವಿ ಮಾಡಿ ಯಶಸ್ವಿಯಾಗಿದ್ದಾರೆ.

ವಿದ್ಯುತ್ ಹಾಗೂ ರೇಷ್ಮೆ ಸವಲತ್ತು: ನೇಕಾರರಿಗೆ ರಿಯಾಯಿತಿ ದರದಲ್ಲಿ ರೇಷ್ಮೆ ವಿತರಣೆ, 10 ಹೆಚ್. ಪಿ ವರೆಗೆ ಉಚಿತ ವಿದ್ಯುತ್ ಹಾಗೂ ವಿದ್ಯುತ್ ದರದಲ್ಲಿ ವಿನಾಯಿತಿ ಕೊಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ.

ಆರೋಗ್ಯ ಸೌಲಭ್ಯ: 'ಯಶಸ್ವಿನಿ ಆರೋಗ್ಯ ಯೋಜನೆ'ಯಲ್ಲಿ ಫಲಾನುಭವಿಗಳ ವಯೋಮಿತಿಯನ್ನು ಸರ್ಕಾರವು ಕೇವಲ 60 ವರ್ಷಗಳಿಗೆ ನಿಗದಿಪಡಿಸಿದ್ದಾಗ, ಸೊಸೈಟಿಯು ಹೋರಾಡಿ ಅದನ್ನು 100 ವರ್ಷಗಳವರೆಗೆ ವಿಸ್ತರಿಸಿದೆ.

ಶಿಕ್ಷಣಕ್ಕೆ ಆಸರೆ: ಸದಸ್ಯರ ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ಸುಮಾರು 400 ರಿಂದ 500 ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನ (Scholarship) ನೀಡುವ ಮೂಲಕ ಶಿಕ್ಷಣ ಕ್ಷೇತ್ರಕ್ಕೆ ಅಪಾರ ಕೊಡುಗೆ ನೀಡಿದೆ.

ರಾಷ್ಟ್ರಮಟ್ಟದಲ್ಲಿ ಮಾರುಕಟ್ಟೆ: ದೆಹಲಿಯ ಪ್ರಗತಿ ಮೈದಾನ ಹಾಗೂ ಪ್ರಮುಖ ಅಂತರರಾಷ್ಟ್ರೀಯ ವ್ಯಾಪಾರ ಮೇಳಗಳಲ್ಲಿ ಸೊಸೈಟಿಯ ಮಳಿಗೆಗಳನ್ನು ಹಾಕಿ ಶುದ್ಧ ರೇಷ್ಮೆ ಸೀರೆಗಳ ವ್ಯಾಪಾರಕ್ಕೆ ಜಾಗತಿಕ ವೇದಿಕೆ ಕಲ್ಪಿಸಿದೆ.

✨ ಕರುನಾಡ ಬಲ ವಿಶೇಷ ಕರೆ:

ನೇಕಾರರ ಬದುಕಿಗೆ ಬೆಳಕಾಗಿ, ಅವರ ಹಕ್ಕುಗಳಿಗಾಗಿ ನಿರಂತರ ಹೋರಾಡುತ್ತಾ ಬಂದಿರುವ ಈ ಸಂಸ್ಥೆಯ 75 ವರ್ಷಗಳ ಅಮೃತ ಮಹೋತ್ಸವಕ್ಕೆ ಸಕಲ ನೇಕಾರ ಬಾಂಧವರು, ಸಹೃದಯರು ಹಾಗೂ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕಾಗಿ ವಿನಂತಿ.

- ಬ್ಯೂರೋ ರಿಪೋರ್ಟ್, ಕರುನಾಡ ಬಲ ನ್ಯೂಸ್. 🎤