ಮಕ್ಕಳ ಕೈಗೆ ಮೊಬೈಲ್: ಫ್ರೀ ಫೈರ್ ಗೇಮ್ ವ್ಯಸನಕ್ಕೆ ಬಲಿಯಾದ 8ನೇ ತರಗತಿ ವಿದ್ಯಾರ್ಥಿ!
ಚನ್ನಗಿರಿ / ದಾವಣಗೆರೆ:
ಆನ್‌ಲೈನ್ ಗೇಮ್‌ಗಳ ದುಶ್ಚಟ ಹಾಗೂ ವಂಚಕರ ಹಣದ ಬೇಡಿಕೆಗೆ ಹೆದರಿ 13 ವರ್ಷದ ಬಾಲಕನೊಬ್ಬ ಪ್ರಾಣ ಕಳೆದುಕೊಂಡಿರುವ ಹೃದಯ ವಿದ್ರಾವಕ ಘಟನೆ ದಾವಣಗೆರೆ ಜಿಲ್ಲೆಯ ಚನ್ನಗಿರಿ ತಾಲೂಕಿನ ಪಾಂಡೋಮಟ್ಟಿ ಗ್ರಾಮದಲ್ಲಿ ವರದಿಯಾಗಿದೆ
೮ನೇ ತರಗತಿಯಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದ ಟಿ.ಆರ್. ಮನೋಜ್ ಮೃತ ದುರ್ದೈವಿ ಬಾಲಕ
ಘಟನೆಯ ಹಿನ್ನೆಲೆ:
- ವ್ಯಸನ ಹಾಗೂ ಬ್ಲ್ಯಾಕ್‌ಮೇಲ್: ಮೊಬೈಲ್‌ನಲ್ಲಿ ‘ಫ್ರೀ ಫೈರ್’ ಗೇಮ್‌ಗೆ ದಾಸನಾಗಿದ್ದ ಮನೋಜ್‌ನನ್ನು ಆತನ ಐವರು ಅಪ್ರಾಪ್ತ ಸ್ನೇಹಿತರೇ ಗುರಿಯಾಗಿಸಿಕೊಂಡಿದ್ದರು
. ಗೇಮ್‌ನಲ್ಲಿ ಉತ್ತಮ ಐಡಿ ಕೊಡಿಸುವುದಾಗಿ ನಂಬಿಸಿ ಮೊದಲು ₹6,000 ಪಡೆದಿದ್ದವರು , ಬಳಿಕ ಐಡಿ ಅನ್‌ಲಾಕ್ ನೆಪದಲ್ಲಿ ಹಂತ ಹಂತವಾಗಿ ಹೆಚ್ಚಿನ ಹಣಕ್ಕೆ ಬೇಡಿಕೆ ಇಟ್ಟಿದ್ದರು . - ಮನೆಯಲ್ಲಿ ಕಳವು: ಹಣ ನೀಡದಿದ್ದರೆ ಈ ವಿಚಾರವನ್ನು ಮನೆಯವರಲ್ಲಿ ಹೇಳುವುದಾಗಿ ಬ್ಲ್ಯಾಕ್‌ಮೇಲ್ ಮಾಡಿದ್ದರಿಂದ ಭಯಗೊಂಡ ಬಾಲಕ
, ಪೋಷಕರಿಗೆ ತಿಳಿಯದಂತೆ ಮನೆಯಿಂದ ಹಣ ಕದ್ದು ಒಟ್ಟು ₹4.11 ಲಕ್ಷ ಮುಟ್ಟಿಸಿದ್ದನು .
ಮುಕ್ತಾಯದ ದುರಂತ:
ಮನೆಯಲ್ಲಿ ಲಕ್ಷಾಂತರ ರೂ. ಹಣ ಕಳುವಾಗಿರುವ ವಿಷಯ ಪೋಷಕರಿಗೆ ಗೊತ್ತಾಗುತ್ತಿದ್ದಂತೆ, ತೀವ್ರ ಮಾನಸಿಕ ಆಘಾತ ಮತ್ತು ಹೆದರಿಕೆಗೆ ಒಳಗಾದ ಮನೋಜ್, ಬುಧವಾರ ಮನೆಯಲ್ಲಿ ಯಾರೂ ಇಲ್ಲದ ಸಮಯ ನೋಡಿ ನೇಣಿಗೆ ಶರಣಾಗಿದ್ದಾನೆ
ಮಕ್ಕಳ ಮೊಬೈಲ್ ಬಳಕೆ ಹಾಗೂ ಆನ್‌ಲೈನ್ ಗೇಮ್‌ಗಳ ಹಾವಳಿ ಎಷ್ಟರ ಮಟ್ಟಿಗೆ ದುರಂತಕ್ಕೆ ದಾರಿ ಮಾಡಿಕೊಡುತ್ತಿದೆ ಎಂಬುದಕ್ಕೆ ಈ ಘಟನೆ ಕಣ್ಣೀರಿನ ಉದಾಹರಣೆಯಾಗಿದೆ.
- ವಿಶೇಷ ವರದಿ, ಕರುನಾಡ ಬಲ ನ್ಯೂಸ್
ಶ್ರೀ ದೇವರಾಜ್
ಸಂಪಾದಕರು, ಕರುನಾಡ ಬಲ ನ್ಯೂಸ್,
ಅಖಿಲ ಕರ್ನಾಟಕ ಪದ್ಮಶಾಲಿ ಯೂತ್ ಆರ್ಗನೈಸೇಷನ್ ಸಂಸ್ಥೆಯ ಅಧ್ಯಕ್ಷರಾಗಿ ಪದ್ಮಶಾಲಿ ಸಮುದಾಯದ ಯುವಜನತೆಯನ್ನು ಸಂಘಟಿಸಿ, ಅವರ ಶೈಕ್ಷಣಿಕ ಹಾಗೂ ಸಾಮಾಜಿಕ ಅಭಿವೃದ್ಧಿಗಾಗಿ ಶ್ರೀ ದೇವರಾಜ್ ಬಿ.ಕಾಮ್ ಅವರು ನಿರಂತರವಾಗಿ ಶ್ರಮಿಸುತ್ತಿದ್ದಾರೆ. ಮಾನವ ಹಕ್ಕುಗಳ ಕ್ಷೇತ್ರದಲ್ಲಿ ಮೂರು ವರ್ಷಗಳ ಸುದೀರ್ಘ ಸೇವಾ ಅನುಭವ ಹೊಂದಿರುವ ಇವರು, ಉಚಿತ ಕಾನೂನು ಸೇವಾ ಸಲಹೆಗಾರರಾಗಿ ಸಾರ್ವಜನಿಕರಿಗೆ ಕಾನೂನು ಅರಿವು ಮತ್ತು ಉಚಿತ ಸಲಹೆಗಳನ್ನು ನೀಡುತ್ತಿರುವ ಬದ್ಧತೆಯುಳ್ಳ ಸಮಾಜ ಸೇವಕರಾಗಿದ್ದಾರೆ.
ವೃತ್ತಿಪರ ಕ್ಷೇತ್ರದಲ್ಲಿ ಲೆಕ್ಕ ಪರಿಶೋಧಕರು (Auditor), ತೆರಿಗೆ ಸಲಹೆಗಾರರು (Tax Consultant) ಹಾಗೂ ಕಾನೂನು ಸಲಹೆಗಾರರಾಗಿ (Legal Adviser) ಯಶಸ್ವಿ ಸೇವೆ ಸಲ್ಲಿಸುತ್ತಿರುವ ಇವರು, ಬೆಂಗಳೂರು ನಾರ್ತ್ನ ಗಂಗಮ್ಮ ಸರ್ಕಲ್ನಲ್ಲಿ CSC VLE ಆಗಿ ಸಾರ್ವಜನಿಕರಿಗೆ ಸರಕಾರಿ ಹಾಗೂ ಡಿಜಿಟಲ್ ಸೇವೆಗಳನ್ನು ತಲುಪಿಸುವ ಕಾರ್ಯದಲ್ಲೂ ನಿರತರಾಗಿದ್ದಾರೆ.
ಸಂಪಾದಕರ ಆಶಯ:
"ಸಮಾಜದ ಮೂಲೆಮುಡಿಯಲ್ಲಿ ನಿಶಬ್ದವಾಗಿ ಉಳಿದುಹೋದ ಸತ್ಯಗಳಿಗೆ ಸ್ಪಷ್ಟ ಧ್ವನಿಯಾಗುವುದು, ಸಾರ್ವಜನಿಕರಲ್ಲಿ ವೈಚಾರಿಕ ಹಾಗೂ ಸಾಮಾಜಿಕ ಜಾಗೃತಿ ಮೂಡಿಸುವುದು ಮತ್ತು ನಿಷ್ಪಕ್ಷಪಾತ ಪತ್ರಿಕೋದ್ಯಮದ ಮೂಲಕ ಬದಲಾವಣೆಯ ಹಾದಿ ನಿರ್ಮಿಸುವುದೇ ನಮ್ಮ ಪ್ರಮುಖ ಧ್ಯೇಯ." 
