ಕರುನಾಡ ಬಲ ನ್ಯೂಸ್ ವರದಿ
ಆಧಾರ್ ಕಾರ್ಡ್‌ನಲ್ಲಿ 5 ಹೊಸ ನಿಯಮಗಳು ಜಾರಿ: ಕನ್ನಡದಲ್ಲೇ ವೆಬ್‌ಸೈಟ್ ಸೇವೆ ಸೇರಿದಂತೆ ಮಹತ್ವದ ಬದಲಾವಣೆ!
ಆಧಾರ್ ಕಾರ್ಡ್ ಬಳಕೆದಾರರಿಗೆ ಕೇಂದ್ರ ಸರ್ಕಾರವು ಪ್ರಮುಖ ಹೊಸ ನಿಯಮಗಳು ಹಾಗೂ ಬದಲಾವಣೆಗಳನ್ನು ಜಾರಿಗೆ ತಂದಿದೆ. ಸಾರ್ವಜನಿಕರ ಅನುಕೂಲಕ್ಕಾಗಿ ಹಲವಾರು ಸೌಲಭ್ಯಗಳನ್ನು ಪರಿಚಯಿಸಲಾಗಿದೆ.
ಆಧಾರ್ ಕಾರ್ಡ್‌ನಲ್ಲಿ ಜಾರಿಗೆ ಬಂದ 5 ಪ್ರಮುಖ ಬದಲಾವಣೆಗಳು:
- ರೇಷನ್ ಅಂಗಡಿಯಲ್ಲಿ ಫೇಸ್ ಸ್ಕ್ಯಾನ್: ಪಡಿತರ ವಿತರಣೆಯಲ್ಲಿ ಸುಧಾರಣೆ ತರಲು ರೇಷನ್ ಅಂಗಡಿಗಳಲ್ಲಿ ಮುಖದ ಗುರುತು (ಫೇಸ್ ಸ್ಕ್ಯಾನ್) ಪದ್ಧತಿ ಜಾರಿಗೆ ಬಂದಿದೆ.
- ಡಿಜಿಟಲ್ ಟೋಕನ್ ಸಿಸ್ಟಮ್ ಜಾರಿ: ಸಾರ್ವಜನಿಕರಿಗೆ ಸೇವೆಗಳು ಸುಲಭವಾಗಿ ದೊರೆಯಲು ಡಿಜಿಟಲ್ ಟೋಕನ್ ವ್ಯವಸ್ಥೆಯನ್ನು ತರಲಾಗಿದೆ.
- ಕನ್ನಡ ಸೇರಿದಂತೆ 23 ಭಾಷೆಗಳಲ್ಲಿ ಆಧಾರ್ ವೆಬ್‌ಸೈಟ್: ಈಗ ಕನ್ನಡ ಸೇರಿದಂತೆ ಒಟ್ಟು 23 ಪ್ರಾದೇಶಿಕ ಭಾಷೆಗಳಲ್ಲಿ ಆಧಾರ್ ವೆಬ್‌ಸೈಟ್ ಸೇವೆ ಲಭ್ಯವಿರುತ್ತದೆ.
- NGOಗಳಿಗೆ SWIK 2.0 ಪೋರ್ಟಲ್: ಸ್ವಯಂ ಸೇವಾ ಸಂಸ್ಥೆಗಳ (NGO) ಕಾರ್ಯಗಳಿಗೆ ಅನುಕೂಲವಾಗಲು SWIK 2.0 ಪೋರ್ಟಲ್ ಆರಂಭಿಸಲಾಗಿದೆ.
- ಸಣ್ಣ ಸ್ಟಾರ್ಟ್‌ಅಪ್‌ಗಳಿಗೆ ಲೈಟ್ ಫ್ರೇಮ್‌ವರ್ಕ್: ನವೋದ್ಯಮಗಳು ಮತ್ತು ಸಣ್ಣ ಸ್ಟಾರ್ಟ್‌ಅಪ್‌ಗಳಿಗೆ ಬೆಂಬಲ ನೀಡಲು ಲೈಟ್ ಫ್ರೇಮ್‌ವರ್ಕ್ ಅನ್ನು ಪರಿಚಯಿಸಲಾಗಿದೆ.
ವಿಶೇಷ ಸೌಲಭ್ಯಗಳು ಮತ್ತು ಪರಿಹಾರ:
- ವಯಸ್ಸಾದವರು ಹಾಗೂ ಶ್ರಮಿಕರ ಕೈಯ ರೇಖೆಗಳು ಸವೆದು, ಬಯೋಮೆಟ್ರಿಕ್ ಬೆರಳಚ್ಚು ಮ್ಯಾಚ್ ಆಗದೆ ಪಡಿತರ ಸಿಗದೆ ಪರದಾಡುತ್ತಿದ್ದ ಸಮಸ್ಯೆಗೆ ಈಗ ಶಾಶ್ವತ ಮುಕ್ತಿ ಸಿಕ್ಕಿದೆ.
- ದೃಷ್ಟಿದೋಷವಿರುವವರಿಗಾಗಿ ವಿಶೇಷ ಸ್ಕ್ರೀನ್ ರೀಡರ್ ಮತ್ತು ವಾಯ್ಸ್ ಅಸಿಸ್ಟೆಂಟ್ ಸೌಲಭ್ಯವನ್ನೂ ಸಹ ಒದಗಿಸಲಾಗಿದೆ.
ಶ್ರೀ ದೇವರಾಜ್
ಸಂಪಾದಕರು, ಕರುನಾಡ ಬಲ ನ್ಯೂಸ್,
ಅಖಿಲ ಕರ್ನಾಟಕ ಪದ್ಮಶಾಲಿ ಯೂತ್ ಆರ್ಗನೈಸೇಷನ್ ಸಂಸ್ಥೆಯ ಅಧ್ಯಕ್ಷರಾಗಿ ಪದ್ಮಶಾಲಿ ಸಮುದಾಯದ ಯುವಜನತೆಯನ್ನು ಸಂಘಟಿಸಿ, ಅವರ ಶೈಕ್ಷಣಿಕ ಹಾಗೂ ಸಾಮಾಜಿಕ ಅಭಿವೃದ್ಧಿಗಾಗಿ ಶ್ರೀ ದೇವರಾಜ್ ಬಿ.ಕಾಮ್ ಅವರು ನಿರಂತರವಾಗಿ ಶ್ರಮಿಸುತ್ತಿದ್ದಾರೆ. ಮಾನವ ಹಕ್ಕುಗಳ ಕ್ಷೇತ್ರದಲ್ಲಿ ಮೂರು ವರ್ಷಗಳ ಸುದೀರ್ಘ ಸೇವಾ ಅನುಭವ ಹೊಂದಿರುವ ಇವರು, ಉಚಿತ ಕಾನೂನು ಸೇವಾ ಸಲಹೆಗಾರರಾಗಿ ಸಾರ್ವಜನಿಕರಿಗೆ ಕಾನೂನು ಅರಿವು ಮತ್ತು ಉಚಿತ ಸಲಹೆಗಳನ್ನು ನೀಡುತ್ತಿರುವ ಬದ್ಧತೆಯುಳ್ಳ ಸಮಾಜ ಸೇವಕರಾಗಿದ್ದಾರೆ.
ವೃತ್ತಿಪರ ಕ್ಷೇತ್ರದಲ್ಲಿ ಲೆಕ್ಕ ಪರಿಶೋಧಕರು (Auditor), ತೆರಿಗೆ ಸಲಹೆಗಾರರು (Tax Consultant) ಹಾಗೂ ಕಾನೂನು ಸಲಹೆಗಾರರಾಗಿ (Legal Adviser) ಯಶಸ್ವಿ ಸೇವೆ ಸಲ್ಲಿಸುತ್ತಿರುವ ಇವರು, ಬೆಂಗಳೂರು ನಾರ್ತ್ನ ಗಂಗಮ್ಮ ಸರ್ಕಲ್ನಲ್ಲಿ CSC VLE ಆಗಿ ಸಾರ್ವಜನಿಕರಿಗೆ ಸರಕಾರಿ ಹಾಗೂ ಡಿಜಿಟಲ್ ಸೇವೆಗಳನ್ನು ತಲುಪಿಸುವ ಕಾರ್ಯದಲ್ಲೂ ನಿರತರಾಗಿದ್ದಾರೆ.
ಸಂಪಾದಕರ ಆಶಯ:
"ಸಮಾಜದ ಮೂಲೆಮುಡಿಯಲ್ಲಿ ನಿಶಬ್ದವಾಗಿ ಉಳಿದುಹೋದ ಸತ್ಯಗಳಿಗೆ ಸ್ಪಷ್ಟ ಧ್ವನಿಯಾಗುವುದು, ಸಾರ್ವಜನಿಕರಲ್ಲಿ ವೈಚಾರಿಕ ಹಾಗೂ ಸಾಮಾಜಿಕ ಜಾಗೃತಿ ಮೂಡಿಸುವುದು ಮತ್ತು ನಿಷ್ಪಕ್ಷಪಾತ ಪತ್ರಿಕೋದ್ಯಮದ ಮೂಲಕ ಬದಲಾವಣೆಯ ಹಾದಿ ನಿರ್ಮಿಸುವುದೇ ನಮ್ಮ ಪ್ರಮುಖ ಧ್ಯೇಯ." 
